Fréttir

Starfsmenn Sjótækni við mælingar í Vestmannaeyjahöfn

Mælingabátur Sjótækni

« 1 af 2 »

Starfsmenn Sjótækni unnu við fjölgeislamælingar í Vestmannaeyjahöfn fyrir Vestmannaeyjabæ ásamt því að skoðaðir voru sæstrengir og lagnir milli lands og Eyja. Við fjölgeislamælingarnar var notaður fjarstýrður mælingabátur Sjótækni af gerðinni Otter pro 3 frá norska fyrirtækinu Maritime. Fjölgeislatæki bátsins myndar allt að 165°breiðan geisla undir bátnum og nær því góðum myndum af botninum og því sem þar er að sjá.

Milli lands og Eyja liggja sæstrengir fyrir ljósleiðara og rafmagn ásamt vatnslögnum og reglulega þarf að fylgjast með ástandi þessar lagna. Við skoðun á þeim var notaður fjarstýrður kafbátur í eigu Sjótækni af gerðinni Spectre en hann er búinn hágæða myndavél ásamt staðsetningarbúnaði og sónar.

Aron og Magni að máta sig við afþrýstiklefann hjá Sjótækni

Magni og Aron að skoða sig um við sjókvíar

Starfsmaður Sjótækni að sýna þeim Aron og Magna hvernig þvottagræjurnar virka og hvernig þeim er stjórnað

« 1 af 3 »

Sjótækni hefur í samstarfi við Tálknafjarðarskóla tekið á móti nemendum í starfskynningu í haust og síðustu tvo miðvikudaga komu þeir Aron og Magni til okkar í Sjótækni

Við kynntum fyrir þeim starfsemi fyrirtækisins í máli og myndum og sýndum þeim tól og tæki til ýmissa nota. Meðal annars sýndi Maciek þeim afþrýstiklefann og útskýrði notkun hans. Seinni daginn var farið með þá á hraðbát út að kvíum þar sem þeir fengu að skoða þvottagræjurnar um borð í Hauk BA og hvernig þær eru notaðar. Við hjá Sjótækni þökkum þeim Aron og Magna fyrir komuna og vonum að þeir hafi haft gagn og gaman af heimsókninni.

Búnaðurinn og akkerin á bryggjunni á Ísafirði þar sem þau voru hífð um borð í Kafara BA

Marteinn Þór Ásgeirsson og Guðbjartur Ásgeirsson að gera festingar fyrir kvíaakkerin klár um borð í Kafara BA

Baujurnar fyrir kvíaastæðið tilbúnar til að hífa þær í sjóinn

« 1 af 3 »

Í sumar vann Sjótækni við að setja út akkeri fyrir fiskeldiskvíar fyrir Hábrún á eldissvæði þeirra í Skutulsfirði í Ísafjarðardjúpi. Sett voru út 18 akkeri og kerfisfestingar sem koma til með að halda átta kvíum á sínum stað. Kvíarnar verða síðan settar á sinn stað í haust. Eins og sjá má á meðfylgjandi myndum er búnaðurinn engin smásmíði sem notaður er enda þarf hann að þola mikið veðurálag.