Sæstrengur í Skötufirði

Pramminn með sæstrengnum dreginn yfir Skötufjörð
Pramminn með sæstrengnum dreginn yfir Skötufjörð
1 af 2

Starfsmenn Sjótækni unnu við lagningu sæstrengs yfir Skötufjörð í Ísafjarðardjúpi fyrir Orkubú Vestfjarða í byrjun júlí. Sæstrengurinn leysir af hólmi eldri streng og eykur þannig raforkuöryggi. Við lagningu sæstrengsins var notaður prammi sem Sjótækni á og hentar vel fyrir þann búnað sem þarf að nota til að leggja sæstrengi. Pramminn var dreginn af bátnum Kafara auk þess sem báturinn Haukur aðstoðaði við lagninguna en báðir bátarnir eru í eigu Sjótækni. Auk kafara og annarra starfsmanna Sjótækni unnu starfsmenn Orkubúsins að lagningu strengsins.

Nýr þvottaróbot

Nýi þvottaróbotinn hjá Sjótækni tilbúinn til notkunar, starfsmaður Sjótækni Davíð Rúnar Benjamínsson, býr sig undir að hífa róbotinn yfir í kvína til að þvo nótina þar
Nýi þvottaróbotinn hjá Sjótækni tilbúinn til notkunar, starfsmaður Sjótækni Davíð Rúnar Benjamínsson, býr sig undir að hífa róbotinn yfir í kvína til að þvo nótina þar

Sjótækni hefur tekið í notkun nýjan þvottaróbot til að þrífa nætur í fiskeldiskvíum. Róbotinn er af gerðinni Stealth Cleaner frá fyrirtækinu Ocain í Noregi. Róbotinn er beltalaus og þrífur næturnar með lágþrýstingi sem þýðir að notkun hans krefst minni olíunotkunar. Kaup Sjótækni á þessu tæki er einn liður í að framfylgja umhverfisstefnu fyrirtækisins sem kveður á um að reynt skuli að draga úr orkunotkun eins og kostur er til að minnka umhverfisáhrif fyrirtækisins. Sjótækni er með umhverfisvottun samkvæmt alþjóðlegum umhverfisstaðli ISO 14001 og fékk þá vottun endurnýjaða í vor ásamt því að standast vottun samkvæmt alþjóðlegum öryggisstaðli ISO 45001.

Sjótækni stenst alþjóðlegar vottanir

Við hjá Sjótækni ehf á Tálknafirði erum afskaplega stolt að hafa staðist öryggisvottun samkvæmt alþjóðlegum staðli ISO 45001 og endurnýjun á umhverfisstaðlinum ISO 14001. Vottunarstofan DNV-GL í Noregi hefur tekið út starfsemi Sjótækni og hefur staðfest að fyrirtækið starfar samkvæmt öryggisstaðlinum ISO 45001 og umhverfisstaðlinum ISO 14001. Líklega er Sjótækni fyrsta útgerðar- og verktakafyrirtæki landsins sem fær báðar þessar vottanir á starfsemi sína. Þessi staðfesting skiptir fyrirtækið miklu máli og er jafnframt trygging viðskiptavina okkar á að við séum að sinna okkar störfum sem best verður á kosið.

Sjótækni er hafsækinn verktaki sem sinnir uppsetningu, eftirliti, viðhaldi og þjónustu við ýmiskonar mannvirki í sjó og vatni fyrir fyrirtæki, stofnanir og sveitarfélög ásamt því að reka öfluga köfunarþjónustu. Framkvæmdir tengjast meðal annars neðansjávarlögnum, mannvirkjum í sjó og vatni, fiskeldi, skipaþjónustu, virkjunum og stóriðju. Fyrirtækið gerir út báta, vinnuskip, pramma og bílaflota og mikið af sérhæfðum tækjum og búnaði svo sem kafbáta og mælingatæki af fullkomnustu gerð.

Aðalstarfsstöð fyrirtækisins er á Tálknafirði og hjá Sjótækni starfa 15 starfsmenn.